Leikhópurinn Lotta - Söngvasyrpa

2 ævintýrapersónur koma með skemmtilegt 20 mínútna atriði úr ævintýraskógi Lottu, atriðið er brot af því besta í gegnum árin og stútfullt af sprelli, söng og fjöri fyrir allan aldur. Í þetta skipti eru það Rauðhetta og Úlfurinn sem koma í heimsókn í Lystigarðinn á Akureyri með dásamlegt atriði sem unnið er uppúr leikritinu Rauðhettu með Leikhópnum Lottu. Í atriðinu er farið yfir sögurnar um Rauðhettu og Úlfinn og Grísina 3.

Eftir atriðið er hægt að hitta persónurnar, gefa þeim knús eða fimmur og taka myndir með þeim.

Atriði verður í Skrúðhúsinu í Lystigarðinum á Akureyri. Þar fyrir framan er falleg grasflöt og við mælum með að gestir mæti með teppi til að sitja á, jafnvel nesti til að maula og myndavélar til að taka myndir.

Frítt er inná viðburðinn í boði Akureyrarvöku.