Sycamore Tree snýr aftur eftir afar vel heppnaða tónleika á Græna hattinum á síðasta ári. Dúettinn hefur unnið sig inn í hug og hjörtu landsmanna á síðustu árum og lög af síðastu plötum dúettsins “ Western Sessions “ og “ Winter Songs “ sem komu út nýlega hafa klifið toppa vinsældarlista landsins eins og mörg lög af þeirra fyrri verkum hafa einnig gert. Dúettinn hefur unnið sér stall sem ein besta tónleikasveit landsins og kvöldstund með þeim er ósvikin gæðastund. Þau Ágústa Eva og Gunni Hilmarss munu spila lög af þeirra fyrri verkum ásamt efni af næstu breiðskífu sem kemur út seinna á árinu. Þeim hlakkar mikið til að koma aftur á þennan einstaka tónleikastað.