Til hamingju með að vera mannleg – ljóðastund með Siggu Soffíu á Skáld
Það þarf hugrekki til að vera mannleg. Að finna til, gleðjast, óttast, elska og takast á við lífið eins og það kemur.
Laugardaginn 28. nóvember kl. 14:00 bjóðum við á Skáld Akureyri til einstakrar bókmenntastundar með Siggu Soffíu Níelsdóttur, skáldkonu, danshöfundi og listakonu sem hefur farið ótroðnar slóðir í íslensku listalífi.
📖 Ljóð sem snerta, gleðja og fá okkur til að staldra við.
Í ljóðabók sinni Til hamingju með að vera mannleg fjallar Sigga Soffía af einlægni, húmor og hugrekki um lífið, óvissuna, styrkinn og allt það sem gerir okkur mannleg.
Á Skáld mun hún lesa úr bókinni og deila jafnframt með gestum nýjum, óútgefnum ljóðum – orðum sem eru enn að finna sinn farveg og gefa okkur innsýn í það sem er í vændum frá skáldkonunni.
Sigga Soffía er jafnframt dansari, danshöfundur og flugeldasýningahönnuður. Sköpun hennar hefur tekið á sig fjölbreyttar myndir, allt frá ljóðlist og sviðsverkum til listrænna verkefna sem sameina náttúru, hreyfingu og ímyndunarafl.
Fyrsta ljóðabók hennar var tilnefnd til Maístjörnunnar og varð síðar að samnefndri sýningu á stóra sviði Þjóðleikhússins.
🍂 Eigum saman notalega stund á Skáld.
Við hlökkum til að taka á móti Siggu Soffíu og gestum okkar í hlýlegri og persónulegri stund þar sem ljóðin fá að njóta sín, samtalið fær rými og við leyfum okkur einfaldlega að vera mannleg.
📅 Laugardagur 28. nóvember 2026
🕑 Kl. 14:00
📍 Skáld Akureyri – Curio Collection by Hilton
Verið hjartanlega velkomin á Skáld – þar sem orðin eiga heima. ✨