Gengið verður frá Háskólanum á Akureyri niður að Þorsteinslundi, sunnan Glerártorgs undir leiðsögn Þorsteins E. Arnórssonar fyrrverandi safnstjóra Iðnaðarsafnsins. Einnig verður gengið um söguslóðir Sambandsverksmiðjanna á Gleráreyrum, stoppað verður á nokkrum stöðum, sagðar sögur og farið með vísur, en Þorsteinn þekkir hverja þúfu á svæðinu og kann frá mörgu fróðlegu að segja er tengist mannlífinu á verksmiðjunum; fólkinu sem á verksmiðjunum vann, á launamun kynjanna, kjarabaráttu, vinnureglum, stjórnendum þeirra, sögusögnum, en einnig nærliggjandi bæjarstæðum og frosthörkum.

Sögugangan tekur um 1,5 klst. og fer fram á íslensku.

*Viðburðurinn hlaut styrk frá viðburða- og verkefnasjóð Akureyrar

*Viðburðurinn er hluti af Listasumri

Sjá viðburð á Facebook HÉR