Dagrún Matthíasdóttir, bæjarlistamaður Akureyrar 2021, opnar myndlistasýninguna Uppbrot í Kaktus í Listagilinu á Akureyri föstudaginn 22. október kl. 20:00.
Á sýningunni ögrar listakonan sjálfri sér með því að skapa flæði milli hins hefðbundna málverks og uppbrots í formi. Dagrún heillast af því tilraunakennda, tjáningu í fjölbreyttum listmiðlum og áhrifa skynjunar og þess samtals sem listaverkin endurspegla.
Endurnýting efnis er henni hugleikin og setur listakonan upp bæði ný málverk og eldri á sýningunni Uppbrot.