Hópur heimafólks tekur hljóðnemann og býður gestum upp á kvöld þar sem við hlæjum saman að lífinu, hversdagsleikanum, samböndum, samfélaginu og öllu því sem verður aðeins bærilegra þegar maður má gera grín að því.

 

Í þetta sinn verðum við á Vitanum í samstarfi við Listasumar á Akureyri - húsið opnar kl 20:00 svo við mælum með að þið mætið tímanlega. Síðast var húsið fullt klukkutíma fyrir sýningu og færri komust að en vildu. Sýning hefst kl 21:00 og frítt er á viðburðinn í boði Listasumars og Akureyrarbæjar.

 

Á svið stíga:
Þórhallur Guðmundsson
Snæfríður Ingadóttir
Baddi Ingimarsson
Svava Björk Ólafsdóttir
Egill Bjarni Friðjónsson
Hannes Bjarni Hannesson

 

Kvöldið verður blanda af fersku uppistandi, persónulegum pælingum, vandræðalegum augnablikum og mögulega einhverjum sögum sem hefðu kannski átt að vera geymdar í lokuðum skúffum.

 

Komdu og vertu með okkur á Vitanum - styðjum heimafólk á sviði og hlæjum saman í leiðinni.

 

Á þetta að vera fyndið?
Við ætlum allavega að reyna.