Akureyrarvaka er árleg bæjarhátíð, sem haldin er helgina sem er næst afmæli Akureyrarbæjar þann 29. ágúst. Sannkölluð menningarveisla sem bæjarbúar, listamenn og gestir skapa í sameiningu.
Viðburðadagatal hátíðarinnar er að finna á akureyrarvaka.is þegar líða fer að hátíðinni.
Biðlað er til listafólks, fyrirtækja, félaga og bæjarbúa sem vilja leggja sitt af mörkum og skapa einstaka stemningu með okkur. Fyrirtæki á svæðinu eru sérstaklega hvött til þess að taka þátt með því að opna dyrnar fyrir tónlist eða listasýningum eða leggja sitt af mörkum með skapandi uppákomum.
Opnað verður fyrir umsóknir vegna viðburða á Akureyrarvöku 2027 í byrjun maí. Sótt er um í gegnum þjónustugátt Akureyrarbæjar.
Hvort sem þú ert með hugmynd, vettvang, tón, sýningu eða bara vilja til að taka þátt – þá viljum við heyra frá þér!
Ljóðalestur, trúbadorar, leiklist, dans, gjörningar, strengjakvartett, sirkus, matarmenning, myndlist, ópera, smiðjur; saman sköpum við skemmtilega og fjölbreytta Akureyrarvöku 2027 – hátíð á hverju horni.
Frekari upplýsingar veitir Elísabet Ögn Jóhannsdóttir, verkefnastjóri Menningarmála í netfanginu elisabetogn@akureyri.is eða í síma 460-1157.
Heimili Akureyrarvöku á samfélagsmiðlum er að finna á facebook síðu Akureyrarbæjar og á Instagram.