Listasumar 2026 fer fram á tímabilinu 25. júní - 18. júlí. Nú er opið fyrir umsóknir um styrki vegna viðburða á Listasumri, upphæðirnar eru á bilinu 50.000-300.000 kr. Akureyrarbær leitar að áhugaverðum, skemmtilegum og öðruvísi hugmyndum að viðburðum fyrir hátíðina.
Við hvetjum öll sem áhuga hafa að senda inn umsókn, jafnvel þó hugmyndir séu ekki alveg fullmótaðar.
Umsóknarfrestur er til og með 26. apríl 2026
Styrkir eru veittir til einstaklinga, lögaðila, listhópa, fyrirtækja eða stofnana. Meginreglan skal vera að aðgengi að viðburðum sé ókeypis.
Sótt er um á umsóknargátt Akureyrar, hlekkur fyrir neðan.
Nánari upplýsingar veitir Elísabet Ögn Jóhannsdóttir verkefnastjóri menningarmála í netfanginu elisabetogn@akureyri.is
Heimili Listasumars á samfélagsmiðlum er finna á Facebooksíðu Akureyrarbæjar og á Instagram. Endilega fylgið okkur þar og við mælum með að tagga @akureyrarbaer á viðburðum Listasumars.