Til baka

Listasumar á Akureyri (júlí)

Listasumar á Akureyri 2020 verður sett 3. júlí og lýkur 31. júlí. Ævintýrin gerast á Listasumri með fjölbreyttum uppákomum og upplifunum þar sem gestir og bæjarbúar njóta viðburða saman. Einnig er fjöldi listasmiðja í boði fyrir börn og fullorðna sem tilvalið er að prófa.

Verkefnastjórn Listasumars er í höndum Almars Alfreðssonar. Hægt að senda honum línu í netfangið listasumar@akureyri.is

*English version HERE

Listasmiðjur á Listasumri 2020

Listasmiðjurnar skipa alltaf veglegan sess á Listasumri og árið 2020 er engin undantekning. Fjölbreyttar smiðjur fyrir börn og fullorna eru í boði í júlí. Hér að neðan eru smiðjurnar sem eru í boði að þessu sinni. Athugið að skráning er nauðsynleg á allar listasmiðjur.

* Birt með fyrirvara um breytingar

 

3.-5. júlí
Hjólabrettafjör barna

Aldur: 6-18 ára
Kl. 11-12.30 / Háskólapark
þátttökugjald: 11.900 kr.
Skráning: hjolabrettaskoli@gmail.com og í síma: 768-8606

Hjólabrettaskóli Reykjavíkur í samstarfi við Listasumar á Akureyri heldur hjólabrettanámskeið á Akureyri fyrir krakka dagana 3. 4. og 5. júlí. Öllu verður til tjaldað en það eru þeir Steinar Fjeldsted og Dagur Örn sem annast kennsluna en þeir hafa mikla reynslu af hjólabrettum og hjólabrettakennslu. Farið verður í allar undirstöður hjólabrettisins en einnig verður farið í flóknari hluti fyrir þau sem eru lengra komin eins og trikk eins og Shuvit, Kick Flip og 360 Flip svo sumt sé nefnt. Skipt verður í hópa eftir getu.

 

3.-5. júlí
Hjólabrettafjör fullorðinna

Aldur: 18-65+
Kl. 19-20.30 / Háskólapark
Þátttökugjald: 11.900 kr.
Skráning: hjolabrettaskoli@gmail.com og í síma: 768-8606
*Möguleiki er að bóka lánsbretti yfir námskeiðið.

Hjólabrettaskóli Reykjavíkur í samstarfi við Listasumar á Akureyri heldur hjólabrettanámskeið á Akureyri fyrir fullorðna dagana 3. 4. og 5. júlí. Öllu verður til tjaldað en það eru þeir Steinar Fjeldsted og Dagur Örn sem annast kennsluna en þeir hafa mikla reynslu af hjólabrettum og hjólabrettakennslu. Farið verður í allar undirstöður hjólabrettisins en einnig verður farið í flóknari hluti fyrir þau sem eru lengra komin eins og trikk eins og Shuvit, Kick Flip og 360 Flip svo sumt sé nefnt. Skipt verður í hópa eftir getu.

 

6. júlí
Sirkussmakk á Listasumri – Húllahopp

Aldur: 10 – 65+
Kl. 18 / Rósenborg
Ekkert þátttökugjald
Skráning: https://forms.gle/fjNS7LxanhCxy8Cv9
*Takmarkaður fjöldi

Húlladúllan heimsækir Akureyringa og nú er tækifæri til að spreyta sig á grunnstoðum sirkuslistanna. Boðið verður upp á fjórar hnitmiðaðar sirkussmiðjur í júlí. Þessi smiðja einblínir á húllahopp og markmiðið er að þátttakendur yfirgefi smiðjuna með nýja hæfileika til að njóta og leika með í sumar. Kennslan er miðuð við tíu ára og eldri en yngri börn eru þó fullfær um að njóta kennslunnar. Húlladúllan biður þau yngri hinsvegar að mæta með eldri systkinum eða foreldrum.

 

6.-7. júlí
Tónlistarsmiðja

Aldur: 9 – 65+
kl. 18-20.30 / Rósenborg
Ekkert þátttökugjald
Skráning: johannesagust@gmail.com eða í síma 8633101

Hefur þú brennandi áhuga á tónlist? Tveggja daga listasmiðja dagana 6.-7. júlí milli kl. 18-20.30. Ef þú hefur áhuga á textagerð, söng, rappi, hljóðfæraleik eða pródúseringu er þetta smiðja fyrir þig. Farið verður yfir ýmislegt nytsamlegt varðandi lagaskrif og hvað lætur þekkt popp og rapplög virka. Einnig verður farið yfir uppbyggingu lags í tónlistarforritinu Logic Pro. Engin hljóðfæra eða forritakunnátta er nauðsynleg til að taka þátt og eru allir á aldrinum 9-99+ ára velkomnir. Umsjón með smiðjunni hefur Jóhannes Ágúst en hann er nýlega útskrifaður úr B.A. námi í lagaskrifum og pródúseringu við Linnéuniversitet í Svíþjóð og starfar nú við tónlistargerð í Reykjavík.

 

8. júlí
Sirkussmakk á Listasumri – Djöggl

Aldur: 10 – 65+
Kl. 18 / Rósenborg
Ekkert þátttökugjald
Skráning: https://forms.gle/fjNS7LxanhCxy8Cv9
*Takmarkaður fjöldi

Húlladúllan heimsækir Akureyringa og nú er tækifæri til að spreyta sig á grunnstoðum sirkuslistanna. Boðið verður upp á fjórar hnitmiðaðar sirkussmiðjur í júlí. Þessi smiðja einblínir á djöggl og markmiðið er að þátttakendur yfirgefi smiðjuna með nýja hæfileika til að njóta og leika með í sumar. Kennslan er miðuð við tíu ára og eldri en yngri börn eru þó fullfær um að njóta kennslunnar. Húlladúllan biður þau yngri hinsvegar að mæta með eldri systkinum eða foreldrum.

 

8.-10. júlí
Skapandi ljósmyndanámskeið með Siggu Ellu

Aldur: 13-15 ára
Kl. 10-13 / Rósenborg
Þátttökugjald: 15.000 kr. / Hámarksfjöldi 10
Skráning: siggaella@gmail.com

Námskeið fyrir 13-15 ára unglinga, löggð verður áhersla á skapandi hluta ljósmyndunnar frekar en tæknilegan, frjálst er að nota símamyndavél sem og aðrar digital myndavélar. Kennslufyrirkomulag - Stuttir fyrirlestrar í upphafi tíma með það að markmiði að efla myndlæsi,  þar á eftir förum við saman að mynda í samræmi við valið þema, áhersla verður lögð á skapandi hugsun og sýna að það þarf ekki endilega dýrar græjur þegar farið er af stað í ljósmyndun. Kennari aðstoðar hvern nemanda á námskeiðinu og nemendur fá með sér verkefni heim. Fólk og aftur fólk er það sem verk ljósmyndarans Siggu Ellu eiga sameiginlegt. Verk hennar bera oft félagsfræðilegan undirtón en hún myndar það sem vekur áhuga hennar hverju sinni. Sigga Ella hefur mikinn áhuga á manneskjum og málefnum og notar ljósmyndir óspart til að miðla því áfram. Viðfangsefni hennar hafa verið margbreytilegir hópar, allskonar fólk, tónlistarfólk, hljómsveitir, listamenn, einstaklingar með Downs heilkenni og Baldvin, félag fólks með Alopecia. Sigga Ella vinnur mikið með listamönnum og þá helst tónlistarfólki og hljómsveitum, vinna með öðru skapandi fólki heillar og útkoman úr því.

 

9. júlí
Sirkussmakk á Listasumri – Sirkusfimleikar / Akró

 

Aldur: 10 – 65+
Kl. 18 / Rósenborg
Ekkert þátttökugjald
Skráning: https://forms.gle/fjNS7LxanhCxy8Cv9
*Takmarkaður fjöldi

Húlladúllan heimsækir Akureyringa og nú er tækifæri til að spreyta sig á grunnstoðum sirkuslistanna. Boðið verður upp á fjórar hnitmiðaðar sirkussmiðjur í júlí. Þessi smiðja einblínir á sirkusfimleika / Akró og markmiðið er að þátttakendur yfirgefi smiðjuna með nýja hæfileika til að njóta og leika með í sumar. Kennslan er miðuð við tíu ára og eldri en yngri börn eru þó fullfær um að njóta kennslunnar. Húlladúllan biður þau yngri hinsvegar að mæta með eldri systkinum eða foreldrum.

 

10. júlí
Sirkussmakk á Listasumri – Jafnvægislistir

Aldur: 10 – 65+
Kl. 18 / Rósenborg
Ekkert þátttökugjald
Skráning: https://forms.gle/fjNS7LxanhCxy8Cv9
*Takmarkaður fjöldi

Húlladúllan heimsækir Akureyringa og nú er tækifæri til að spreyta sig á grunnstoðum sirkuslistanna. Boðið verður upp á fjórar hnitmiðaðar sirkussmiðjur í júlí. Þessi smiðja einblínir á jafnvægislistir og markmiðið er að þátttakendur yfirgefi smiðjuna með nýja hæfileika til að njóta og leika með í sumar. Kennslan er miðuð við tíu ára og eldri en yngri börn eru þó fullfær um að njóta kennslunnar. Húlladúllan biður þau yngri hinsvegar að mæta með eldri systkinum eða foreldrum.

 

11.-12. júlí
ÞYKJÓ furðufuglasmiðja

Aldur: 4-12 ára og foreldra 
Kl. 11-13 / Deiglan – Listagilið
Ekkert þátttökugjald
Skráning: https://forms.gle/xnTz7fstmHRbWq7G7

ÞYKJÓ eru búningar, grímur og fylgihlutir sem örva ímyndunarafl og sköpunarkraft barna í gegnum opinn leik. ÞYKJÓ er hugarfóstur leikmynda-, búninga- og leikbrúðuhönnuðarins Sigríðar Sunnu Reynisdóttur í samstarfi við fata- og textílhönnuðinn Tönju Huld Levý Guðmundsdóttur og leikfangahönnuðinn Ninnu Þórarinsdóttur. Á listasmiðju ÞYKJÓ ætlum við að búa til okkar eigin dýra grímur og fylgihluti með pappír og litum.

 

13.-14. júlí
Stop Motion smiðja

Aldur: 10-14 ára
Kl. 15-17 / Rósenborg
Ekkert þátttökugjald
Skráning: https://forms.gle/Eq5e83soRqF8BmfG6

Þetta er örnámskeið þar sem við förum í grunninn á Stop motion. Við munum nota spjaldtölvur eða síma, og ykkur er velkomið að koma með ykkar eigið. Forritin sem við munum nota er FlipaClip og Stop Motion Studio. Við skoðum dæmi um hvernig Stop motion virkar og leikum okkur með að gera okkar eigin, með leir, teikningum og úrklippum. 

 

14. júlí
Lifandi vatnið – listasmiðja

Aldur: 16-65+
Kl. 20-23 / Deiglan – Listagilið
Þátttökugjald: 4.000 kr. / Hámarksfjöldi 8
Skráning: info@ragnarholm.com

Fjallað er um undirstöðuatriði í vatnlitun, val á litum, penslum og pappír. Rætt um ólíkar aðferðir og leiðbeint skref fyrir skref um málun á landslagi eftir ljósmynd. Allur efniviður er innifalinn í þátttökugjaldinu. Leiðbeinandi námskeiðsins er Ragnar Hólm Ragnarsson en hann hefur málað vatnslitamyndir af mikilli ástríðu í um áratug og sótt námskeið bæði hérlendis og erlendis.

 

15.-17. júlí
Skapandi dans dýranna

Aldur: 6-7 ára
Kl. 9-12 / Rósenborg
Þátttökugjald: 1.500 kr. / Hámarksfjöldi 10
Skráning: ingunn.elisabethreinsdottir@gmail.com

Skapandi danssmiðja fyrir krakka á aldrinum 6 til 7 ára. Þátttakendur fá að kynnast helstu hugtökum skapandi dans ásamt því að skapa út frá sjálfum sér. Áhersla verður lögð á sköpunarferli og samþættingar annarra listgreina. Þátttakendur skapa sér dýr sem fyrirfinnst ekki á jörðinni og uppgötva hátterni dýrsins, bæði í hreyfingu og útliti. Þátttakendur vinna saman að skapa heim dýranna svo rík áhersla er lögð á ímyndunaraflið og skapandi hugsun. Þátttakendur eru hvattir til þess að vera í hreyfanlegum fötum, einnig að taka með sér vatnsbrúsa og létt nesti. Kennari smiðjurnar er Ingunn Elísabet, nýútskrifaður meistaranemi úr listkennslu Listaháskóla Íslands, en hún hefur einnig lokið bakklárgráðu í samtímadansi og kennslufræðum.

 

18.-19. júlí
Ungir plötusnúðar

Aldur: 9-13 ára / 5 stelpur og 5 strákar
Kl. 13-15 / Deiglan – Listagilið
Þátttökugjald: 1.000 kr. / Hámarksfjöldi 10
Skráning: ivarfreyr@gmail.com

Plötusnúðurinn Ívar Freyr Kárason heldur grunnnámskeið fyrir unga plötusnúða á Listasumri. Farið yfir helstu hugtök, hvernig á að tengja og hvaða takki gerir hvað. Græjur verða á staðnum sem að krakkarnir læra að tengja og fá að prufa sig áfram undir leiðsögn. Leiðbeinanda er annt um að kynjaskipting sé jöfn og því eru stelpur sérstaklega velkomnar. DJ Ívar Freyr hefur þeytt skífum til fjölda ára og því mikill reynslubolti í faginu.

 

26. júlí
BMX námskeið á Akureyri

Aldur: 6-15 ára
Kl. 10-14 / Háskólapark
Þátttökugjald: 5.000 kr. / 8.000 kr. með bol eða derhúfu
Skráning: bmxnamskeid@gmail.com eða í síma 867-2538
*BMX, fjallahjól, hlaupahjól og önnur hjól leyfileg.

Viltu upplifa besta dag lífs þíns? Taktu þá þátt í BMX námskeiði með BMX BRÓS þríeykinu Magnúsi Bjarka, Benedikt og Antoni Erni en þeir eiga það sameiginlegt að hafa endalausan eldmóð fyrir BMX sportinu. Námskeiðið hefst við Háskólaparkið og hjólað verður síðan um bæinn og umhverfið nýtt fyrir tilþrif og annað fjör. Dagurinn endar svo með dúndur BMX sýningu í boði BMX BRÓS kl. 14. Foreldrar eru hvattir til að mæta frá kl. 13.30- 14.00 og fylgjast með afrakstri dagsins.

 

Athugið að skráning er nauðsynleg á allar listasmiðjur.
* Birt með fyrirvara um breytingar

Nánari upplýsingar

 

Heimili Listasumars á samfélagsmiðlum er finna á Facebooksíðu Akureyrarbæjar og á Instagram.

 

Einnig mælum við með að gestir Listasumars noti myllumerkin #listasumar #hallóakureyri og #akureyri