Sýningin er lokahnykkur í samstarfi fræðslufulltrúa Listasafnsins á Akureyri og myndmenntakennara Lundarskóla. Í vetur hafa allir 51 nemendur 5. bekkjar komið í endurteknar heimsóknir í Listasafnið, fengið þar fræðslu og í framhaldinu unnið verkefni í tengslum við heimsóknirnar.

Í fyrstu heimsókn sinni í safnið hittu nemendur listakonuna Þuríði Helgu Kristjánsdóttur og kynntust verkum hennar á sýningunni Afmæli. Í mars var nemendum svo boðið í smiðju með Þuríði þar sem þau unnu verk undir hennar handleiðslu. Afraksturinn má sjá á sérstakri sýningu í safnfræðslurými Listasafnsins sem opið er öllum gestum safnsins.

Nánari upplýsingar:
Dagsetning: 5. – 30. apríl
Tímasetning: 12.00 – 17.00
Staðsetning: Listasafnið á Akureyri
Aðgangseyrir: Aðgangseyrir inn á safnið - frítt fyrir 18 ára og yngri

Verkefnið er hluti af Barnamenningarhátíð á Akureyri.

Skoðaðu viðburðadagatal hátíðarinnar HÉR