Stuttar tónlistarstundir fyrir 6-12 mánaða ungabörn með Erlu Dóru Vogler og Ívari Helgasyni á Barnamenningarhátíð Akureyrar.
Foreldrar/forráðamenn sitja í hring á dýnum eða púðum með börnum sínum. Einföld lög eru sungin, hreyfingar gerðar, hristur hristar, slæðum sveiflað og fleira skemmtilegt.
Um er að ræða notalega samverustund sem tengir saman snertingu, sjón og heyrn og hefur jákvæð áhrif á upplifun barnanna af tónlist.
Þrjár Tónungastundir verða haldnar á 4. hæð Rósenborgar sunnudaginn 28. apríl: kl. 10:00, 13:00 og 14:00, og varir hver þeirra um 20-30 mínútur.
Tekið verður á móti 8-10 börnum í hverja Tónlistarstund, 1-2 forráðamenn skulu vera með hverju barni. Nauðsynlegt er að skrá sig fyrir 27. apríl hér: https://forms.gle/F1Y14UCgYX1TZbQ27
Sérstakar og innilegar þakkir fá Steps Dancecenter og Tónastöðin.
Viðburðurinn er styrktur af Barnamenningarsjóði Akureyrarbæjar.
Skoðaðu viðburðadagatal hátíðarinnar HÉR