Börn og afþreying

Akureyri er fjölskylduvænn bær þar sem ýmis konar afþreying fyrir börn er í boði. Hér má finna hugmyndir að afþreyingu þegar ferðast er með börn.

Allt árið

Kjarnaskógur  - Upplifið ævintýralega stíga og leiksvæði allan ársins hring. 
Sundlaugar á Akureyri, Hrísey og Grímsey
Söfn -  Á Akureyri eru mörg söfn sem eru forvitnileg fyrir börn.
Amtsbókasafnið á Akureyri - Gott úrval í barna- og unglingadeild og fjölbreyttir viðburðir.
Frisbí golf - Á Akureyri eru 6 folf vellir! Hægt er að leigja frisbí diska. 
Bíó - heimsókn í kvikmyndahús er góð skemmtun, í boði eru kvikmyndir alla daga. 
Jólagarðurinn  - Andi jólanna ríkir í Jólagarðinum árið um kring, aðeins 10 mín akstur frá Akureyri.
Hrísey - Frá Árskógsströnd tekur aðeins 15 mín að fara með ferju til Hríseyjar, þar sem afslappað andrúmsloft, falleg náttúra og fuglalíf taka á móti gestum
Braggaparkið - Innanhúss aðstaða fyrir hjólabretti, hlaupahjól, línuskauta og BMX.
Ís! Allt árið: Brynjuís / Ísbuðín  / Ísgerðin -- Sumar / Turninn / Holtsel rjómaís

Vetur

Skíði - Hlíðarfjall -  Hlíðarfjall er sannkölluð skíðaparadís rétt við bæjardyrnar, einnig er vinsælt að skíða á Dalvík, Siglufirði og fleiri stöðum á Norðurlandi
Skautahöllin á Akureyri - Yfir vetrartímann er opið fyrir almenning fös-sun frá kl. 13-16 og á föstudagskvöldum er skautadiskó frá 19-21
Leiklist - Menningarfélag Akureyrar - Barna dagskrá á sunnudögum
Daladýrð - í Brúnagerði Fnjóskadal, u.þ.b. 20 mín fjarlægð frá Akureyri, er áhugaverður húsdýragarður þar sem gefur að líta öll helstu húsdýrin. 
Samkomuhúsið - Leikfélag Akureyrar og leikfélögin í nágrannasveitafélögunum bjóða upp á leiksýningar sem henta jafnt börnum sem allri fjölskyldunni.
Sleðabrekkur - nokkrar skemmtilegar brekkur er að finna í bæjarlandinu sem henta vel til að renna sér á sleða, jólasveinabrekkan er sú vinsælasta.

Sumar

Hamrar - Við tjaldsvæðið á Hömrum eru tjarnir, bátar, frisbígolf og fjölmargar gönguleiðir í kring.
Daladýrð - í Brúnagerði Fnjóskadal, u.þ.b. 20 mín fjarlægð frá Akureyri, er áhugaverður húsdýragarður þar sem gefur að líta öll helstu húsdýrin.
Nökkvi - Siglingaklúbburinn býður upp á námskeið fyrir börn.
Veiði - skoðið möguleikana.
Hestaleigur - Reiðnámskeið eða stuttar ferðir, ath. að sums staðar er lágmarks aldur/hæð.
Sumaropnun í Hlíðarfjalli - Í Hlíðarfjalli er góð aðstaða til útivistar bæði fyrir hjóla- og göngufólk, stólalyftan er líka opin á sumrin. 
Sumarnámskeið og frístundastarf fyrir börn - fjölbreytt námskeið eru í boði fyrir börn á sumrin sjá nánar hér
Brettaparkið við Háskólann - flott úti-aðstaða fyrir hjólabretti, hlaupahjól og hjól.
Listasumar býður upp á fjölbreyttar og skemmtilegar listasmiðjur/viðburði fyrir börn á öllum aldri
Ævintýragarðurinn gallerí í einkagarði með fjölbreyttum ævintýrapersonum

Aðrar hugmyndir

• Lesið á ljósastaura. Hægt að fylgja járnbókunum sem festar eru á ljósastaura frá Amtsbókasafninu að Nonnahúsi í Innbænum eða öfugt. Hér getur öll fjölskyldan sameinast í lestri (kannski með vasaljósi) og endað á bókasafninu með góðar hugmyndir að skemmtilegu lestrarefni.
  
  
• Innbærinn í nýju ljósi. Tilvalið er að ganga um Innnbæinn með bæklinginn „Frá torgi til fjöru“ í hönd til að kynnast sögu bæjarins. Þegar komið er inní Innbæ eru söguskilti sem gaman er að lesa á og skoða myndirnar til að setja söguna í enn betra samhengi.
  Það má líka undirbúa sig heima með því að lesa þetta: Frá torgi til fjöru
  
  
• Fræðist um sögu Akureyrar. Víðsvegar um eldri hluta bæjarins eru skilti sem segja sögu hvers staðar fyrir sig. Skiltin gera grein fyrir sögu húsa og staðhátta í máli og myndum, alla leið frá Strandgötu inn í Innbæinn. Sjá nánar um skiltin hér
  
  
• Þekkir þú Útlagana, Sólúrið, Tilveru og þrumguðinn Þór? Ef ekki þá er tilvalið að nálgast bæklinginn „Útilistaverk á Akureyri“ á upplýsingamiðstöðinni í Hofi velja nokkur verk sem áhugavert væri að skoða og kynnast betur og einfaldlega ganga, hjóla eða keyra af stað.
  Það má líka undirbúa sig heima með því að lesa þetta: Útilistaverk á Akureyri
  Hægt er að nálgast bæklinginn á upplýsingamiðstöðinni í Hofi.
  
  
• Kjarnaskógur. Frábær leikvöllur og skemmtilegar gönguleiðir um skóginn. Einnig er gaman að prófa nýja klifurkastalann en auk þess er nýlega búið að setja upp hjólastólarólu á leiksvæðinu.
  
  
• Ferja, folf og sund í Hrísey. Tilvalið að taka ferjuna í Hrísey, taka með sér frísbídiska (ef veður leyfir) og sundföt. Folfið er staðsett við Gamla skóla og það er skilti við höfnina og eins á staðnum. Eftir útiveru og sundferð er svo tilvalið að skella sér á veitingastaðinn Verbúðin 66 og fá sér hressingu. Frekari upplýsingar má finna á www.hrisey.is
  
  
• Jólagarðurinn. Andi jólanna ríkir í Jólagarðinum árið um kring. Garðurinn, turninn og litla húsið skapa skemmtilega umgjörð um verslun með vörur sem tengjast jólunum. Jólagarðurinn er vinsæll áningarstaður ferðamanna sem koma í Eyjafjarðarsveit og á Akureyri. Frekari upplýsingar má finna hér
  
  
• Húsdýragarðurinn Daladýrð. Daladýrð er í tæplega 20 mín fjarlægð frá Akureyri. Staðsettur í Brúnagerði í Fnjóskada. Þarna gefur að líta öll helstu húsdýrin eins og hesta, kindur, kýr, hund, geitur, grísi, ýmsar tegundir af hænum, kanínur og kisur. Einnig eru þar refir á sumrin.

  Það má klappa öllum dýrum sem vilja láta klappa sér, fara inn í gerðið hjá geitunum seem og kattaheimilið og knúsa kisur og kettlinga þegar þeir eru nógu stórir til að láta halda á sér.

  Leiksvæði fyrir börnin er bæði innan og utandyra. Hlaða til að hoppa í heyið og úti eru trampólín og fleira. Í daladýrð er kaffihús og verslun sem selur íslenskt handverk sem allt tengist sveitinni á einhvern hátt.

  Opið er alla daga frá kl.11-18

• Hestaafþreying. Kynna má sér hestaferðir á Norðurlandi hér

• Skelltu þér í sund. Hér má sjá opnunartíma sundlauganna.
  
  
• Skautahöllin. Yfir vetrartímann er opið fyrir almenning föstudag kl 13-16 og skautadiskó á föstudagskvöldi frá kl.19-21. Laugardag og sunnudag kl 13-16. Aðgangseyrir er 900 fyrir fullorðna og 600 fyrir börn og skautaleigan 500 kr en gjaldskránna má finna á www.sasport.is
  
  
• Krossanesborgir. Þar eru 10 fræðsluskilti sem gaman væri að lesa á – líklegast gott að hafa með vasaljós (til að sjá ef myrkur er)
  
  
• Innanhússgolf. Í einni bestu aðstöðu innanhúss á landinu í kjallaranum í Íþróttahöllinni. Opnunartími í haustfríinu er 9.00-20.00 virka daga og 10.00-17.00 um helgar. Verð er 1000 kr. Einnig eru tveir golfhermar af fullkomnustu gerð sem hægt er að spila í. Verð er frá 2800-3200 kr klst. Nánari upplýsingar á www.gagolf.is
  
  
• Folf (frisbígolf). Það er tilvalið að skella sér í folf með fjölskyldunni en bæði er hægt að fara hring á Hamarkotstúninu, Eiðsvelli, við Glerárskóla og á Hömrum (við tjaldsvæðið)
  
  
• Braggaparkið. Braggaparkið er innanhús aðstaða í bröggunum við Laufásgötu 1 fyrir hjólabretti, hlaupahjól, línuskauta og BMX. Opið er alla daga frá 12:00-19:00. Hægt er að kaupa árs/hálfsárs/mánaðakort hér. Annars er hægt að kaupa dagspassa á 1000kr