Í Deiglunni sem staðsett er í Listagilinu er aðsetur Gilfélagsins sem stofnað var árið 1990. Félagið hefur einnig umsjón með gestavinnustofu Gilfélagsins sem staðsett er efst í Listagilinu.
Gudmanns Minde eða Gamli spítali var reistur árið 1835 af Baldvini Hinrikssyni Scagfjord járnsmið. Í húsinu er nú rekin starfsemi Aflsins, samtökum gegn kynferðis- og heimilisofbeldi.
Hlutverk safnsins sem er undir þaki Amtsbókasafnsins, er söfnun og varðveisla skjala og annarra skráðra heimilda héraðssögunnar, til notkunar fyrir stjórnsýslu, stofnanir og einstaklinga.
Alda Halldórsdóttir var fædd árið 1913 og bjó hún í Holti ásamt móður sinni. Mikið af hannyrðum eftir Öldu eru í húsinu einnig er mikið af ljósmyndum af vinum hennar og ættingjum. Í Holti er nú vísir að byggðasafni.
Setur um sögu berklanna. Það er áhrifaríkt að heyra um missi, sorg og örvæntingu þeirra sem glímdu við sjúkdóminn en ekki síður um bjartsýni, æðruleysi og lífsþorsta þeirra.
Kórastarf á Akureyri á sér langa forsögu og er með miklum blóma. Bæjarbúar eru duglegir við að syngja saman, jafnt ungir sem aldnir undir faglegri stjórn. Hér að neðan má sjá lista yfir starfandi kóra á Akureyri.
Í Friðbjarnarhúsi er sýning á leikföngum frá síðustu öld. Á efri hæð hússins er fundarsalur Góðtemplarareglunnar sem gaf Akureyrarbæ húsið en Góðtemplararegla Íslands var stofnuð í húsinu, sem er kennt við Friðbjörn Steinsson. Leikfangasafnið var stofnað af Guðbjörgu Ringsted.
Leikfélag Akureyrar er eina atvinnuleikhús landsins utan höfuðborgarsvæðisins. LA sem nú er leiklistarsvið Menningarfélags Akureyrar hefur sitt aðal aðsetur í fallegu húsi sem stendur nærri hjarta Akureyrar , Samkomuhúsinu. Leiklistarsvið MAk mun einnig sviðssetja verkefni sín á sviðum Hofs. Hamraborg og Hömrum. Verkefnaskrá LA hefur í gegnum tíðina verið fjölbreytt, klassísk íslensk og erlend verk, ný íslensk og erlend verk, barnaleikrit og söngleikir.
Safnið leitast við að setja upp árlega nokkrar metnaðarfullar sýningar til að efla menningarlíf bæjarins, auka við þekkingu, áhuga og efla skilning á sjónlistum.
Menningarfélag Akureyrar er sjálfseignarstofnun sem samanstendur af þremur menningarstofnunum á Akureyri; Leikfélagi Akureyrar, Sinfóníuhljómsveit Norðurlands og Menningarfélaginu Hofi.
Listahópurinn Norðanbál rekur gestavinnustofu í Gamla barnaskólanum í Hrísey. Hann er innréttaður með vinnustofu og þremur svefnherbergjum til útleigu fyrir listamenn hvaðanæva úr heiminum.
Akureyrar er fyrst getið árið 1562. Þá var kveðinn upp dómur á eyrinni yfir konu sem hafði sængað hjá karli án þess að hafa til þess giftingarvottorð. Það var svo 216 árum síðar, eða 1778, sem fyrsta íbúðarhúsið reis á Akureyri. Aðeins 8 árum seinna varð Akureyri kaupstaður í fyrra sinnið að undirlagi konungs sem vildi með því efla hag Íslands. Íbúar Akureyrar voru þá 12 talsins. Allt fór þetta meira og minna í vaskinn hjá kóngi, enginn vaxtarkippur hljóp í kaupstaðinn og 1836 missti bærinn kaupstaðarnafnbótina og endurheimti hana ekki aftur fyrr en 1862.
Sinfóníuhljómsveit Norðurlands var stofnuð haustið 1993 og fyrstu tónleikarnir voru haldnir 24. október það ár undir stjórn Guðmundar Óla Gunnarssonar.
Ýmsan fróðleik má finna á skiltum bæjarins og hafa fjölbreytt verkefni verið sett í gang í þeim tilgangi. Má þar helst nefna Söguvörðurnar og fræðsluskilti í útivistarsvæðum bæjarins.
Íslandskortasafn Schulte inniheldur 174 landakort frá 1528-1847 þar sem dregin er upp mynd af Íslandi eða landið er hluti stærra korts af norðurslóðum.