Upplýsingar um fjölbreytta afþreyingu á Akureyri og nágrenni má finna hér og helstu viðburðir eru skráðir á viðburðadagatalið hér.
Hér fyrir neðan eru almennar upplýsingar og alls kyns hugmyndir fyrir alla fjölskylduna í vetrarfríinu og einnig yfirlit yfir afgreiðslu og opnunartíma sem (skoða má hér) í bænum með fyrirvara um breytingar.
Hugmyndir fyrir fjölskylduna í haustfríinu:
Kjarnaskógur
Flottir leikvellir sem sniðnir eru að mismunandi getu og aldri notenda. Alls eru leiksvæðin þrjú auk blakvalla og ærslabelgs og völundarhúss. Á svæðinu er einnig sérsniðið leiksvæði fyrir yngsta hópinn og líka hjólastólaróla. Í skóginum má fjölda skemmtilegra gönguleiða, rjóðra og skúlptúra m.a. ratleikurinn "Úti er ævintýri" sem byggir á sögupersónum úr barnabókum sjá nánar um leikinn hér. Stutt er á Hamra þar sem einnig má skemmtilegt leiksvæði. Hér má finna nánari upplýsingar og kort af svæðinu.
Skoðaðu söfn og sýningar
Hér má sjá upplýsingar um yfirstandandi sýningar og opnunartíma safnanna: Minjasafnið, Nonnahús og Leikfangahúsið, Iðnaðarsafnið, Listasafnið á Akureyri, Flugsafn Íslands, Mótorhjólasafnið. Yfirleitt er frítt í flestum söfnum fyrir börn 18 ára og yngri. Boreal Screendance Festival er alþjóðleg dansvídeóhátíð sem haldin er á Akureyri. Nánari upplýsingar hér.
Amtsbókasafnið
Safnið hvetur krakka til þess að koma á safnið að lesa, spila, lita eða gera þrautablöð. Mikið úrval af bókum og spilum. Nánari upplýsingar hér
Skelltu þér í sund
Hér má sjá opnunartíma sundlauganna á Akureyri, Hrísey og Grímsey og hér á Hrafnagili, Þelamörk, Skógarböðin, Bjórböðin, Sjóböðin og Jarðböðin.
Krossanesborgir
Skemmtilegt göngu og hjólasvæði, tjarnir og fuglaskoðunarhús. Meðfram leiðinni eru fræðsluskilti um fugla, plöntur o.fl.
Folf (frisbígolf)
Það er tilvalið að skella sér í folf í fríinu en bæði er hægt að fara hring á Hamarkotstúninu, Eiðsvelli, Háskólasvæðinu og á Hömrum (við tjaldsvæðið), einnig eru folfvellir í Hrísey og Grímsey. Nánari upplýsingar má finna hér.
Skautar
Það er alltaf gaman að fara á skauta - hægt er að bóka tíma með og án skautaleigu á heimasíðu Skautahallarinnar á slóðinni www.skautar.is.
Gönguleiðir
Það eru fjölmargar áhugaverðar gönguleiðir á Akureyri og nágrenni. Hér má sjá fjölbreyttar hugmyndir af gönguferðum.
Braggaparkið
Innanhúsaðstaða fyrir hjólabretti, línuskauta, hlaupahjól og BMX-hjól við Laufásgötu. Tilvalinn vettvangur fyrir fjölskylduna að láta reyna á gamla eða nýja færni. Hægt er að fá bæði hjólabretti og hlaupahjól að láni til að prófa. Nánari upplýsingar varðandi verð og afgreiðslutíma ofl. sjá hér.
Klifuraðstaða
Ný klifuraðstaða hefur verið opnuð að Dalsbraut 1. Húsið er opið öllum og það þarf ekki að panta tíma, bara mæta. Það eina sem þarf fyrir grjótglímu eru klifurskór og þá er hægt er að leigja í afgreiðslunni. Nánari upplýsingar má finna hér.
Innanhússgolf
Í glæsilegri inniaðstöðu golffélagsins á Jaðri. Hægt er að æfa sveifluna með því að spila í Trackman hermum eða pútta á púttgríni. Boðið er upp á sex golfhermar og er tímabókun á boka.gagolf.is (velja trackman). Verðskrá sjá hér. Opnunartími: Mánudag-fimmtudag: 9:00 - 22:00, Föstudagur: 9:00-20:00, Laugardagur: 10:00 - 19:00 og Sunnudagur: 10:00 - 19:00
Upplýsingar um fjölbreytta afþreyingu fyrir alla fjölskylduna má finna hér og kynnið ykkur viðburðadagatalið hér
Auk þess er hægt að skella sér í Leikhús, kvikmyndahús Sambíó, heimsækja Jólagarðinn, fara til Hríseyjar (ferja á uþb. 2 klst fresti), fara á skauta, hestbak eða hvalaskoðun til að nefna nokkra möguleika. Daladýrð í Fnjóskadal er síðan með opið 11 til 18.
Hjólaleiðir
Ef færð og veður er ennþá gott er tilvalið að grípa með hjólið og fara í skemmtilega hjólaferð sem hentar getur og þoli. Munið bara að klæða ykkur vel því á þessum árstíma er farið að kólna vel.
Hof
Í Hofi eru listsýningar, viðburðir, kaffihús og hönnunarverslunin Kista. Hof er opið milli kl. 8-18 virka daga og 12-16 á laugardögum. Hér er yfirlit yfir viðburði.
Verslun
Helstu verslunarkjarnarnir (sjá hér) eru Miðbærinn á Akureyri, Glerártorg, Kaupangur, Sunnuhlíð og svo má finna fjölda annarra verslana hér og þar um bæinn. Ertu að leita að útivistarverslunum má finna þær flestar hér.
Áhugaverðir staðir
Viltu rölta um Innbæinn og skoða fallegu gömlu húsin og heimsækja söfnin? Það er alltaf gaman að líta við í Lystigarðinum. Akureyrarkirkja er tákn bæjarins og tilvalið er að telja tröppurnar. Gönguleiðin á Strandstígnum meðfram strandlengjunni er vinsæl allt árið og tilvalið að líta við í Hofi, taka mynd við selfie-umferðastaurnum með hjartanu sem er þar rétt fyrir sunnan og ganga yfir Samkomubrúnna og fá sé þar hressingu þegar þessi leið er gengin.
Í Listagilinu eru sýningar, verslanir og veitingastaðir og tilvalið að taka mynd af sér við hjartað sem er við upphaf verslunargötunnar í miðbænum, hægt er að snúa hjartanu þannig að bakgrunnurinn verði sá sem þú kýst.
Viltu fara út úr bænum? Við mælum með ferð til Hríseyjar (20 mín akstur og ferja á 2 klst fresti, siglt í 15 mín), hring um Eyjafjarðarsveit með viðkomu m.a. í Jólagarðinum. Hægt að heimsækja áhugaverða stað í nágrenni Akureyrar: Goðafoss 35 km (göng)/51 (Víkurskarð), Mývatn 83 km (göng)/99 km (Víkurskarð), Húsavík 75 km (göng)/91 km (Víkurskarð), Dalvík 44 km, Ólafsfjörður 61 km, Siglufjörður 77 km.
Alls kyns aðrar hugmyndir fyrir fjölskylduna í vetrarfríinu
Upplýsingar um fjölbreytta afþreyingu fyrir alla fjölskylduna má finna hér og kynnið ykkur viðburðadagatalið hér.
Innbærinn í nýju ljósi
Tilvalið er að ganga um Innbæinn, undirbúa sig heima með því að skoða bæklinginn „Frá torgi til fjöru“ til að kynnast sögu bæjarins. Þegar komið er inní Innbæ eru söguskilti sem gaman er að lesa á og skoða myndirnar til að setja söguna í enn betra samhengi.
Þekkir þú Útlagana, Sólúrið, Tilveru og þrumguðinn Þór?
Ef ekki þá er tilvalið að nálgast bæklinginn hér „Útilistaverk á Akureyri“ . Velja nokkur verk sem áhugavert væri að skoða og kynnast betur og einfaldlega ganga, hjóla eða keyra af stað. Listaverkin má einnig finna á google maps.